गुल्मीको मरभुङ्ग गाउँमा एक पुरुष मृत अवस्थामा फेला

गुल्मीको मरभुङ्ग गाउँमा एक जना पुरुष मृत अवस्थामा फेला परेका छन् । जिल्लाको मालिका गाउँपालिका–८ मरभुङ्ग निवासी ६० वर्षीय लालबहादुरर रोका मृत फेला परेका हुन् ।

जिल्ला प्रहरी कार्यालय गुल्मीका प्रमुख एसपी राजन भुजेलले रोका मृत फेला परेको बताए । घटना स्थलमा प्रहरी पुगेर अनुसन्धान भइरहेको उनले बताए ।

उनका अनुसार मृतक हत्या भएको आशंका गरिएको छ । सोधपुछका लागि मृतकका छोरा २८ वर्षीय डम्बर बहादुर रोकालाई नियन्त्रणमा लिइएको एसपी भुजेलले बताए ।

घटना सम्बन्धी थप अनुसन्धान भइरहेकाे प्रहरीकाे भनाइ रहेकाे छ ।