स्कर्पियो–कार ठक्कर : १३ जनामा घाइते, १ जनाको मृत्यु

मकवानपुरको मनहरी गाउँपालिका–६ स्थित डिपार्टमा दुईवटा सवारी एकआपसमा ठोक्किँदा घाइते भएका १३ मध्ये एकजनाको मृत्यु भएको छ ।

जिल्ला प्रहरी कार्यालय मकवानपुरका अनुसार शनिबार दिउँसो मनहरी–६ स्थित पूर्व–पश्चिम राजमार्गमा चितवनतर्फ आउँदै गरेको प्रदेश १– ०२६ च ५२५० नम्बरको स्कर्पियो र हेटौंडातर्फ आउँदै गरेको बा.१६ च ८३२४ नम्बरको कार एकआपसमा ठोक्किएर दुर्घटना भएको हो ।

दुर्घटनामा कार चालक हेटौंडा–४ स्कुलरोडका ६० वर्षीय सुरेन्द्रलाल श्रेष्ठको ज्यान गएको मकवानपुर प्रहरी प्रवक्ता प्रहरी नायब उपरीक्षक श्यामु अर्यालले जनाए । उनको उपचारको क्रममा चितवनमा ज्यान गएको जनाइएको छ । यस दुर्घटनामा अन्य १३ जना घाइते रहेको र सबैको चितवनमै उपचार भइरहेको प्रहरीले जनाएको छ ।

दुर्घटनामा कारमा सवार चितवन राप्ति नगरपालिका–२, गड्यौलीका ५५ वर्षीय ओमकुमार श्रेष्ठ, ५० वर्षीय सुनिता श्रेष्ठ र २१ वर्षीय सुमिना श्रेष्ठ घाइते भएका छन्