कार्यपालिकाकाे बैठक माग गर्दै भेरी नगरपालिकाको प्रशासनिक भवनमा वडाध्यक्षहरूले ग¥र्य तालाबन्दी

जाजरकोटको भेरी नगरपालिकाको प्रशासनिक भवनमा कार्यपालिकाकाे बैठक माग गर्दै  वडाध्यक्षहरूले तालाबन्दी गरेका छन् ।

बहुमत कार्यपालिका सदस्यहरूले पटक पटक मौखिक तथा लिखित रूपमा बैठक बस्न माग गरे पनि कुनै कारबाही नभएकोले प्रशासकीय भवनमा तालाबन्दी गरिएको भेरी नगरपालिका वडा नम्बर १० का अध्यक्ष दलबहादुर रानाले बताउनुभयो । आफूहरूले राखेका ६ बुँदे मागसहित कार्यपालिका बैठक नबस्दासम्म अनिश्चतकालका लागि तालाबन्दी गरिएको वडा नम्बर ८ का अध्यक्ष वीरबहादुर चन्दले बताउनुभयो ।

प्रशासकीय भवनमा ताला लागेसँगै नगरपालिकाका सम्पूर्ण काम प्रभावित भएको छ । सेवाग्राहीलाई सास्ती भएको छ ।