कर्णलीमा पल्टीयो डोजर, डोजरसहित एक जना बेपत्ता

कर्णाली नदीमा डोजर पल्टिँदा एक जना बेपत्ता भएका छन । कालीकोटको पचालझरना–८ चाटेबगरबाट वडा नं ४ को जारकोटस्थित कर्णाली नदीमा डोजर तार्ने क्रममा डोजर पल्टिँदा डोजरसहित सहचालक नदीमा बेपत्ता भएका हुन ।

शुक्रबार बेलुका पचालझरना गाँउपालिका–८ चाटेबगरदेखि पचालझरना–४ जारकोट जाने क्रममा कर्णाली नदीमा डोजर पल्टिएपछि थियो । डोजरसहित एक जना बेपत्ता भएको र डोजर चालक नदीमा तैरिरहेको अवस्थामा प्रहरी र स्थानीयले उद्धार गरेको पचालझरना गाउँपालिका उपाध्यक्ष अल्किना बमले जानकारी दिए ।

जिल्ला प्रहरी कार्यालय कालीकोटका अनुसार कालीकोट खाँडाचक नगरपालिका–८ का डोजर चालकको सकुशल उद्धार गरिएको र एक जना बेपत्ता भएका छन ।
प्रहरीका अनुसार चालकको सकुशल उद्धार गरिएको छ । सहचालक र डोजर अहिलेसम्म फेला पर्न सकेको छैन । बेपत्ता सहचालकको नाम र ठेगाना खुल्न नसकेको प्रहरीले बताएको छ ।
उनको खाजीकार्य जारी रहेको छ । थप जानकारी आउन बाँकि रहेको प्रहरीले जनाएको छ ।