जाडो मौसममा प्राय राति रुघाखोकी किन बढी लाग्छ ?

जाडो मौसममा रुघाखोकीको समस्या सामान्य हुन्छ । चिसो मौसममा जता हेर्‍यो, मानिसहरू रुघाखोकी गरिरहेको देखिन्छ। रुघाखोकीको समस्याबाट छुटकारा पाउनका लागि मानिसहरुले धेरै उपाय अपनाउने गर्दछन्, जसले राहत दिन्छ ।

रुघाखोकीबाट ग्रसित भएका मानिसहरु दिनभर बिना कुनै समस्याको काम गरे पनि राति खोकी लाग्न थाल्छ । रुघाखोकीका कारण धेरैलाई राती सुत्न समेत सक्दैन । यस्तो अवस्थामा राती रुघाखोकीको समस्या किन बढी हुन्छ जानौं…

स्वास्थ्य विज्ञका अनुसार शरीरको अवस्था र वातावरणमा आएको परिवर्तनका कारण रातमा यो समस्या बढ्छ । जब हामी सुत्छौं, हाम्रो शरीरको अवस्था परिवर्तन हुन्छ, जसले श्वासप्रश्वास प्रणालीमा थप दबाब दिन्छ। चिसो हावा र राती सुक्खाले पनि खोकी बढाउन सक्छ। यस समयमा श्वासनलीमा बढी सुन्निने, जलन हुने वा जाम हुने हुँदा रुघाखोकीको समस्या बढ्छ ।

चिकित्सकका अनुसार सुत्ने बेलामा घाँटीमा म्युकस जम्न सक्छ, जसका कारण घाँटीमा असहजता महसुस हुन्छ र खोकी लाग्न थाल्छ । यो समस्या सामान्यतया रुघाखोकी, फ्लू वा एलर्जीको कारणले हुन्छ। दमका बिरामीले पनि राति बढी खोकीको सामना गर्नुपर्ने हुन्छ । जब शरीर आराम मोडमा हुन्छ, श्वासप्रश्वास प्रणालीमा जलन वा सूजन बढ्छ, जसले खोकी बढाउँछ। धुलो वा धुवाँ जस्ता एलर्जी भएका मानिसहरूलाई पनि राति खोकी लाग्छ।

राति खोकीबाट कसरी राहत पाउने ?

चिकित्सकले राति मनतातो पानी पिउनाले रुघाखोकीबाट राहत पाउन फाइदा हुने बताएका छन् । यसले घाँटीलाई शान्त पार्छ र बलगमलाई नरम बनाउँछ। मनतातो पानीमा मह र अदुवा मिसाएर पनि पिउन सक्नुहुन्छ ।

राति हावा सुख्खा हुन सक्छ, जसले घाँटीलाई अझ सुकाउँछ। यस्तो अवस्थामा कोठामा आद्र्रता कायम राख्न ह्युमिडिफायर प्रयोग गर्नुहोस्, यसले घाँटी र श्वासप्रश्वास प्रणालीमा हुने जलनलाई कम गर्छ र खोकीबाट राहत दिन्छ। रुघाखोकी बढ्दै गएमा सिरानीको सहाराले टाउको अलि माथि राखेर सुत्ने प्रयास गर्नुहोस्.

यदि तपाईको खोकी एलर्जीसँग सम्बन्धित छ, भने एलर्जीको कारणबाट बच्ने प्रयास गर्ने विज्ञहरुले बताएका छन् । कोठामा धुलो र धुवाँबाट बच्न एयर प्युरिफायर प्रयोग गर्नुहोस्. यदि सबै उपायहरू गर्दा पनि रुघाखोकीको समस्याबाट मुक्ति मिल्दैन र रुघाखोकी एक साताभन्दा बढी रह्यो भने यस्तो अवस्थामा डाक्टरसँग परामर्श गरी आफ्नो जाँच गराउनुपर्छ।

चिकित्सकको सल्लाहबमोजिम औषधि वा सिरप सेवन गर्दा रुघाखोकीबाट आराम मिल्छ । कहिलेकाहीँ खोकी केही रोगको लक्षण पनि हुन सक्छ, यस्तो अवस्थामा चिकित्सकले यसको सही कारण बताउन सक्छन्.