जानकारी बिना धितो लिलामको अभियोगमा सिद्धार्थ बैंकका प्रबन्धक पक्राउ

सिद्धार्थ बैंकको जनकपुरस्थित मिल्स एरिया शाखाका प्रबन्धक अरन बलम्पाकी पक्राउ परेका छन ।

जनकपुर उपमहानगर ८ की ऋणी सुध्रिका देवी कुर्मीले बलम्पाकीविरुद्ध जिल्ला प्रहरी कार्यालय धनुषामा उजुरी दिएपछि बिहीबार दिउँसो प्रहरीले उनलाई कार्यालयबाट नियन्त्रणमा लिएको हो ।

कुर्मीले केही वर्षअघि ऋण लिनका लागि धितो राखेको जनकपुर ८ मा रहेको साढे ८ धुर जग्गा जानकारीबिना लिलाम गरिएको आरोप लगाउँदै उजुरी दर्ता गराएकी थिइन । घटनाबारे प्रहरीले आवश्यक अनुसन्धान जारी रहेको जनाएको छ ।