कालिकोट र बाजुराको सिमाना गोत्रीमा केन्द्रविन्दु बनाएर ५.२ रेक्टरको भुकम्प

कालिकोट र बाजुराको सिमानास्थित गोत्रीमा केन्द्रविन्दु बनाएर ५.२ रेक्टरको भुकम्प गएको छ ।  भुकम्प मापन केन्द्र सुर्खेतका अनुसार जिल्लाको पुर्वी उत्तरी भेगको जगन्नाथ गाउँपालिकाको गोत्री केन्द्रविन्दू बनाएर पाँच दशमलव २ रेक्टर म्याग्नेच्युडको भुकम्प गएको  जनाएको छ ।

शनिबार विहान ४ बजेर १४ मिनेटमा भुकम्प गएको हो ।

भुकम्प गएपछि जिल्ला सदरमुकाम मार्तडीमा कोलाहल मच्चिएको थियो । घरमा निद्रामा भएका स्थानीय भुकम्प आएपछि घर बाहिर निस्किदै भुकम्प आयो भन्दै हो हल्ला गरेका हुन् ।
भुकम्पले नराम्ररी हल्लाएपछि यहाँका स्थानीयहरु त्रसित बनेका छन् । भुकम्प आउने डरले स्थानीयहरु त्रासमा रहेका छन् । भुकम्प गएपछि क्षतिको के कति भयो, भन्नेबारेमा यकिनु हुन सकेको छैन । थप विवरण आउन बाँकि रहेको छ ।