दाङमा बोलेरो जिप दुर्घटना हँदा २ जनाको मृत्यु, ३ जना घाइते

दाङमा यात्रु सवार बोलेरो जिप दुर्घटना हुँदा दुई जनाको मृत्यु भएको छ । भने अन्य तीन जना घाइते भएका छन् ।

शनिबार बिहान सल्यानबाट दाङको तुलसीपुरतर्फ आउँदै गरेको रा १ ज ८ सय २२ नम्बरको बोलेरो जिप तुलसीपुर उपमहानगरपालिकाको साततलेमा दुर्घटनामा परेको हो ।

दुर्घटनामा परि मृत्यु हुने जीपका चालक दाङका दंगीशरण गाउँपालिका ४ निवासी २२ वर्षिया हिरामणी बुढा र सल्यान कपुरकोट गाउँपालिका ६ निवासी १९ वर्षिय सुरेश खड्का रहेको इलाका प्रहरी कार्यालय तुल्सीपुरले जनाएको छ ।

दुर्घनामा घाइते सल्यान कपुरकोट ६ निवासी ३१ वर्षिया देवा र उनका छोराहरु १३ वर्षिय महेश वली र १० वर्षिय जीवन वलीको तुल्सीपुरस्थित राप्ति प्रादेशिक अस्पतालमा प्रारम्भीक उपचारपछि थप उपचारका लागि नेपालगन्ज रिफर गरिएको प्रहरीले जनाएको छ ।

घटनाबारे थप अनुसन्धान भइरहेको प्रहरीले जनाएको छ ।