दैलेखका मजदुर कालिकोटमा मृत अवस्थामा फेला

कालीकोटको सदरमुकाम मान्ममा ज्याला मजदुरी गर्न गएका दैलेखका एक मजदुर मृत अवस्थामा फेला परेका छन् । खाँडाचक्र नगरपालिका-१ नावगैरा स्थित एक घर अगाडिको आँगनमा दैलेख चामुण्डा बिन्दासैनी नगरपालिका-१का ३७ वर्षीय राजेन्द्र सिजाली मगर शुक्रबार बिहान ८ बजे मृत अवस्थामाफेला परेका हुन् ।

उनी ज्याला मजदुरीका लागि कालीकोटमा बस्दै आएका थिए । मृत्यु हुनुको कारणबारे अझै नखुलेको जिल्ला प्रहरी कार्यालयका सुचना अधिकारी राम प्रसाद पाण्डेले जानकारी दिएका छन् । उनले प्रहरीले घटनाको मुचुल्का लगायत अन्य अनुसन्धान कार्य गरिरहेको बताए । मगरको शव पोष्टमार्टमका लागि जिल्ला अस्पताल लगिएको छ ।