बाढीले डुबानमा परेपछि हिलाम्मे बनेको पार्टी कार्यालय हेर्न पुगे ओली

प्रधानमन्त्री केपी शर्मा ओलीले नेकपा (एमाले) को च्यासल, ललितपुरस्थित पार्टी केन्द्रीय कार्यालयमा हालैको बाढीबाट भएको क्षतिको स्थलगत अवलोकन गरेका छन् । एमालेका अध्यक्षसमेत रहेका प्रधानमन्त्री ओलीले आज सिंहदरबारमा सो दलको संसदीय दलको बैठकपछि पार्टी केन्द्रीय कार्यालय पुगेर अवलोकन गरेका हुन् ।

अविरल वर्षा र बाढीका कारण सो दलको भुँइ तलामा पूणर्तः डुबान भएको छ भने परिसर हिलाम्मे भएको छ । बाढीका कारण उक्त तलामा रहेका उपकरण र महत्त्वपूणर् सामग्री ध्वस्त भएको छ । दलको कार्यालयमा अहिले सरसफाइको काम सुरु गरेको छ ।