झुम्सा खोलाले बगाउँदा एकजनाको मृत्यु

पाल्पाको माथागढी गाउँपालिका-४ स्थित झुम्सा खोलाले बगाएर आज एक जनाको मृत्यु भएको छ ।

खोलाले बगाएर मृत्यु हुनेमा तिनाउ गाउँपालिका-४, बिजनचौर स्थायी ठेगाना भएका ५३ वर्षीय शेरबहादुर चौहानको मृत्यु भएको जिल्ला प्रहरी कार्यालय पाल्पाले जनाएको छ ।

खोला तर्ने क्रममा चौहानलाई बगाएको हो । उनको शव १५० मिटर तल खोलाको बीच भागमा भेटिएको थियो । शव पोष्टमार्टमको लागि जिल्ला अस्पताल पठाइएको प्रहरीले जनाएको छ ।