१५ वर्षीय बालिका बलात्कारको आरोपमा १ जना पक्राउ

संखुवासभामा  १५वर्षीय बालिकालाई बलात्कार गरेको आरोपमा प्रहरीले एक जनालाई पक्राउ गरेको छ ।
संखुवासभाको धर्मदेवी नगरपालिका – ८ स्थित बैरेनी टोल बस्ने ४७ वर्षिय हरि बहादुर श्रेष्ठलाई प्रक्राउ गरेको प्रहरीले जनाएको छ ।

हरि बहादुरले ती बालिकालाई सोमबार दिउँसो जबरजस्ती करणी गरेको भन्ने उजुरीको आधारमा अस्थायी प्रहरी चौकी केवाबेशीबाट खटिएको प्रहरीले उनलाई पक्राउ गरेको हो ।
घटनाबारे प्रहरीले थप अनुसन्धान गरिरहेको छ ।