सर्लाहीमा एक युवक मृतावस्थामा फेला, हत्याको आशंका

सर्लाहीको बरहथवा नगरपालिका ८ टाँडीमा एक युवक मृतावस्थामा फेला परेका छन् । टाँडी निवासी श्यामबाबु साहका छोरा १९ वर्षीय मुन्ना साह मृतावस्थामा फेला परेको ईलाका प्रहरी कार्यालय बरहथवाले जानकारी दिएको छ । ईलाका प्रहरी कार्यालय बरहथवाका अनुसार गाउँ नजिकै छिमेकीको परालको भुस्सा राख्ने घरमा युवक मृत अवस्थामा फेला परेका थिए ।

मृतक मुन्नाको घाँटीमा चोट देखिएकाले घटना शंकास्पद रहेको प्रहरी कार्यालयले बताएको छ । मृतकको शव परीक्षणका लागि त्रिवि शिक्षण अस्पताल महाराजगञ्ज काठमाडौं पठाएको छ । घटनाका विषयमा अनुसन्धानका लागि एक युवतीलाई नियन्त्रणमा लिइएको जिल्ला प्रहरी कार्यालय सर्लाहीले जानकारी दिएको छ ।