माटोको ढिस्कोले पुरिदा हुम्लामा ४ जना घाइते

माटोको ढिस्कोले पुरिदा हुम्लामा ४ जना घाइते भएका छन ।

अदानचुली गाउँपालिका-२ छपालीस्थित सड्क खण्डमा ग्याबिन जाली भर्नको लागि खाल्डो खन्दामाथिबाट माटोको ढिस्को खसेर चारजना घाइते भएका हुन् ।

जिल्ला प्रहरी कार्यालय बाजुराका अनुसार घाइते हुनेहरुमा अदानचुली-४ घर भएका ४४ वर्षीय घमण्डी थापा, ५५ वर्षीय धनसोभा बुढा, २६ वर्षीय संगे महतरा र २३ वर्षीय युवराज बुढा छन ।
घाइतेहरुलाई शनिवार उद्धार गरेर उपचारको लागि स्वास्थ्य चौकी बाजुराको कोल्टीमा पठाइएको जिल्ला प्रहरी कार्यालय बाजुराले जनाएको छ ।

साथै उनीहरुको उपचार भैरहेको जानकारी दिएको छ ।