मजदुरीका लागि भारततर्फ जाने क्रम बढ्दो

दिलिप कडेल, सुर्खेत । घरको काम सकेर यतिबेला सुर्खेत लगायत विभिन्न ठाउँबाट नागरिकहरु भारततर्फ जान थालेका छन । गाउँमा केही रोजगारी नभएपछि उनिहरु मजदुरीका लागि भारततिर जान शुरु गरेका हुन ।

बराहाताल गाँउपालिका वडा न ७ पैयुपानीका तिलक खत्री असारमा खेतको काम सकेर भारततिर मजदुरी गर्ने जान थालेको बताएका छन । गाउँमा कुनै रोजगारीको अवसर नहुँदा हिउँद र बर्षातको समयमा मजदुरीका लागि भारत जानुपर्ने बाध्यता भएको बताएका छन । असारमा धान रोपेर जान्छौं । दशैका बेला आउछौ ,कार्तिकमा भित्र्याउने र मङ्सिरमा गहुँ छरेर बालबालिकाको पढाइ खर्च र घरपरिवारको लुगाफाटोका लागि भारत जाने गरेको बताए  ।

तिलक खत्रीसँग भारत जाँदै गरेका बयलिबाजका गंगाराम शर्माले पनि स्थानीय सरकारको मनोमानीका कारण सबै रोजगारी गुमेका कारणले बर्षमा दुई सिजन मजदुरीका लागि भारत जाने गरेको बताएका छन ।

पालिकाले प्रायः बजेट शिबिरमा खर्च गर्ने र सडक निर्माणका काममा स्काभेटर प्रयोग गर्ने भएकाले गाउमा काम गर्ने अवसर नपाएको गुनासो गर्दै रोजगारीका लागि भारत जानू पर्ने बाध्यता रहेको बताएका छन ।