• जेष्ठ २२, २०८०
  • No Comment
  • 22

‘भैंसी चढेर आएको’ भन्ने शब्दले संसदमा हंगामा

प्रधानमन्त्री पुष्पकमल दाहाल प्रचण्ड भारतबाट ‘भैंसी चढेर आएको’ भन्ने शब्दले संसद बैठकमा हंगामा भएको छ।

रास्वपा सांसद शिशिर खनालले प्रधानमन्त्रीको भारत भ्रमणबारे प्रश्न सोध्ने क्रममा ‘भैंसी चढेर आएको’ भन्ने शब्द प्रयोग गरेपछि सत्तारुढ नेकपा माओवादी केन्द्रका सांसदले आपत्ति जनाए।

‘हामी चाहन्थ्यौं प्लेन चढेर भर्खरै आफैंले उद्घाटन गरेको पोखरा विमानस्थलमा अवतरण गर्नुहुन्छ भनेर तर यहाँ भैंसी चढेर आएका कुराहरू आए।’ खनालले यति भन्न नपाउँदै माओवादी सांसदहरूले विरोध जनाए। माओवादी केन्द्रका प्रमुख सचेतक हितराज पाण्डेले प्रधानमन्त्री भारतबाट भैंसी चढेर आएको भन्ने शब्द अमर्यादित भएको भन्दै हटाउन माग गरे।

त्यसपछि एमाले, रास्वपा, राप्रपाले संसद अघि बढ्न दिएनन्। सभामुखले भैंसी चढेर आएको भन्ने शब्द संसदको रेकर्डबाट हटाउन रुलिङ गरे। सपछि प्रतिपक्षी सांसदहरु नाराबाजीमा उत्रिएपछि सभामुखे एमाले सांसद रघुजी पन्तलाई समय दिए। पन्तले भने, ‘प्रधानमन्त्री स्वयंले बोलेको कुरालाई सांसदले उठाउँदा रेकर्डबाट हटाउने हो भने प्रधानमन्त्रीले भनेको कुरा पनि हटाइयोस्।’

प्रधानमन्त्रीले भारत भ्रमणबाट जानकारी गराउने क्रममा भारतले अहिले दिएको मुर्रा राँगो पहिलाकै कुरा भएको भन्दै भनेका थिए, ‘राँगोको कुरा अहिले भएको होइन। सात वर्ष अगाडि नै मुर्रा राँगो ल्याउनेबारे समझदारी भएको रहेछ। मान्छेले मलाई राँगो चढाएर हिँडाएका छन्,’।

रास्वपा सभापति रवि लामिछानेले पनि सत्ता पक्षले दादागिरी देखाएको भन्दै प्रधानमन्त्रीले बोलेको विषयलाई नै सांसदले दृष्टान्तका रुपमा रेकर्डबाट हटाउनु आपत्तिजनक भन्दै थपे, ‘हटाउने भए प्रधानमन्त्रीले बोलेको कुरा पनि हटाइयोस्।’ त्यसपछि सभामुखले जसले बोलेको भए पनि भैंसी चढेर आएको भन्ने शब्द संसदको रेकर्डबाट हट्ने भनेपछि बैठक अघि बढेको छ।

सम्बन्धित खबर

पूर्वराज्यमन्त्री रायको धारीलो हतियार प्रयोग गरी हत्या

पूर्वराज्यमन्त्री रायको धारीलो हतियार प्रयोग गरी हत्या

घटनाको जानकारी पाएपछि जिल्ला प्रहरी कार्यालय सर्लाहिको प्रहरी टोली घटनास्थलमा पुगेको थियो । घटनास्थलको प्रकृति हेर्दा उनको हत्या भएको प्रहरीको टोलीले…
पहिरो हटाएपछि अवरुद्ध कर्णाली राजमार्ग सञ्चालनमा

पहिरो हटाएपछि अवरुद्ध कर्णाली राजमार्ग सञ्चालनमा

कालीकोटको तिलागुफा नगरपालिका-८, टाकुल्लामा पहिरो गएर अवरुद्ध भएको कर्णाली राजमार्ग सञ्चालनमा ल्याइएको छ । आइतबार बिहान कालीकोट-जुम्लाखण्डको टाकुल्लामा गएको पहिरो पन्छाएर…
प्रधानमन्त्री ओलीले सार्वजनिक गरे एमाले-कांग्रेसबीच भएका सात बुँदे सहमति

प्रधानमन्त्री ओलीले सार्वजनिक गरे एमाले-कांग्रेसबीच भएका सात बुँदे सहमति

प्रधानमन्त्री केपी शर्मा ओलीले नेकपा एमाले र कांग्रेसबीच भएको सात बुँदे सहमति सार्वजनिक गरेका छन् । आइतबारको प्रतिनिधि सभा बैठकमा सम्बोधन…

Leave a Reply

Your email address will not be published. Required fields are marked *