‘खर काटेर घर छाउला’ म्युजिक भिडियो सार्वजनिक

सुर्खेत । ‘खर काटेर घर छाउला’ बोलको म्युजिक भिडियो सार्वजनिक भएको छ । शुक्रबार नयाँ वर्षको अवसर पारेर सुर्खेत गोरेटो रेष्टुरेन्टमा एक कार्यक्रमका बीच गित सार्वजनिक गरिएको हो ।

सुर्खेतकै विभिन्न स्थललाई छायांकनमा देखाइएको छ ।

कलाकार प्रेमदेव गिरी, गणेशभक्त गौतम लगायतका व्यक्तिहरुको प्रमुख आतिथ्यतामा आयोजित कार्यक्रममा भिडियो सार्वजनिक गरिएको थियो ।

कलाकारीता क्षेत्रमा विगतमा आफुले भोगेका कुरालाई स्मरण गर्दै अबको कलकारीता क्षेत्रमा सुधार हुनुपर्ने गिरीले बताए । उनले अग्रजको सम्मान गर्दै नयाँ पुस्ताले थप रचनात्मक काम गर्न सुझाव दिए ।

शनी बिश्वकर्मा र करुणा वलीको स्वरमा टिका बस्नेतले शब्द रचना गरेकी हुन् । चन्द्र मन्दिरको कोरीयोग्राफी र भिडियोमा प्रकाश शाही, सिता भण्डारी, नवीन वली र लक्ष्मी सुनार रहेका छन् भने शुनिल रेग्मीको निर्देशन तथा करुणा वलीको लय रहेको छ ।