अन्तर बैंक फुटसल प्रतियोगिताको उपाधि नेपाल इन्भेस्टमेन्ट मेगा बैंक लिमिटेडलाई

सुर्खेत । नेपाल राष्ट्र बैंकको ६८ औं वार्षिकोत्सवको अवसरमा नेपाल राष्ट्र बैंक सुर्खेत कार्यालयद्वारा आयोजित दोस्रो कर्णाली प्रदेशस्तरीय अन्तरबैंक फुटसल प्रतियोगिता सम्पन्न भएको छ ।

सनिबार सम्पन्न भएको फुटसल प्रतियोगितामा १४ बैंकको सहभागीता थियो । फुटसलको नकआउट प्रतियोगिता भएकोमा १४ टिममध्ये नेपाल इन्भेस्टमेन्ट मेगा बैंक लिमिटेड विजेता बनेको छ । यस्तै, प्रभु बैंक लिमिटेड उपविजेता बनेको छ । सेमिफाइनल ४ टिमहरु ग्लोबल आइएमइ, हिमालयन, प्रभु, नेपाल इन्भेस्टमेन्ट मेगा बैंक लिमिटेड पुगेका थिए ।

अन्तरबैंक फुटसल प्रतियोगितामा प्रभु बैंकका सुरेन्द्र लामा उत्कृष्ट खेलाडी बनेका छन् । नेपाल इन्भेस्टमेन्ट मेगा बैंकका खेमराज गिरी सर्वाधिक गोलकर्ता, नेपाल इन्भेस्टमेन्ट मेगा बैंक लिमिटेडका योगेन्द्र सिंह ठगुन्ना उत्कृष्ट गोलकिपर बनेका छन् ।

एमएनएस पुटसलमा भएको प्रतियोगितामा नेपाल राष्ट्र बैंकका का.मु कार्यालय प्रमुख पुर्ण बहादुर मौरती नेपाली सभाअध्यक्ष तथा कर्णाली प्रदेश खेलकुद विकास परिषदका उपाध्यक्ष प्रमोद हमाल प्रमुख अतिथि रहेका थिए । यस्तै कार्यक्रममा बैंकर्स एशोसिएसन कर्णाली प्रदेश र कर्णाली प्रदेसस्थित बैंक तथा वितिय संस्थाका प्रदेश प्रमुखहरको सहभागीता रहेको थियो ।