हरितालिका तीजको अवसरमा आयोजित ‘सुर्खेत तीज डान्स आइकन २०२६’ को महा-संग्राम (ग्राण्ड फिनाले) तथा सम्मान कार्यक्रम आज भव्य रूपमा सम्पन्न भएको छ। जे.बी. डान्स स्टुडियो एन्ड फिटनेस सेन्टरको आयोजनामा सञ्चालित प्रतियोगिताको अन्तिम चरणको खेलसँगै कार्यक्रम समापन भएको हो।

पहिलो र दोस्रो चरणका रोमाञ्चक प्रतिस्पर्धा पार गर्दै अन्तिम चरणमा पुगेका प्रतिभावान प्रतिभाहरूबीच आज कडा प्रतिस्पर्धा भएको थियो।

प्रतियोगितामा उत्कृष्ट नृत्य प्रस्तुत गर्दै श्री रेग्मीले प्रथम स्थान हासिल गरी नगद रू. ३०,०००/- प्राप्त गर्नुभएको छ। त्यसैगरी सारा चालिसेले द्वितीय स्थान हासिल गरी नगद रू. २०,०००/- र नयान्सी लम्सालले तृतीय स्थान हासिल गरी नगद रू. १०,०००/- सहित सम्मान पत्र प्राप्त गर्नुभएको छ।

विजयी प्रतिभाहरूलाई नगद पुरस्कार तथा सम्मान पत्र प्रदान गर्दै आजको कार्यक्रम औपचारिक रूपमा समापन गरिएको थियो।