सुर्खेत होराईजन एकेडेमीलेका बिद्यार्थीहरुले गरे राउटे संग भेटघाट

वीरेन्द्रनगर ३ तातापानीमा संचालित होराईजन एकेडेमीका बिद्यार्थीहरुले राउटे समुदायका प्रतिनिधीसंग भेटेर कुराकानी गरेका छन् । बिद्यार्थीहरुले राउटे समुदायको बारेमा चासो ब्यक्त गरेका र भेटेर कुरा गर्न चाहेपछी राउटे समुदायका प्रतिनिधीलाई बिद्यालयमै बोलाएर भेटघाट गराईदिएको बिद्यालयका प्रिन्सीपल घनश्याम खड्काले बताए । भेटघाटका क्रममा बिद्यार्थीहरुले राउटे समुदायको रितिरिवाज, सस्कृती, पारिवारिका अवस्था, पर्व र सस्कारका बारेमा जानकारी लिएका थिए ।

प्रिन्सिपल खड्काले भने एकातिर बिद्यार्थीहरुले फरक संस्कार बोकेको लोपउन्मुख समुदायको बारेमा चासो ब्यक्त गरेको र बिद्यालयले पनी बेला बेलामा बिद्यार्थीहरुलाई सामुदायिक ज्ञान दिनका लागि यस्ता प्रकारका कार्यक्रम आयोजना गर्ने गरेका कारण राउटे समुदायका प्रतिनिधी संग कुराकानी भएको थियो ।

कुरा कानीका क्रममा बिद्यार्थीहरुले तपाईहरुको बसोबास कुन क्षेत्रमा रहने गरेको छ ? तपाईको समुदायमा बिबाहको चलन कस्तो रहेको छ ? कुन कुन थर तपाईको समुदायमा छ ? तपाईहरुले मनाउने चाडपर्व के के हुन ? तपाईहरुले जंगलमा कुन जनावरको शिकार गर्नु हुन्छ ? तपाईहरु कस्ता कस्ता सामानहरु बनाउनु हुन्छ ? नेपाल सरकारले तपाईहरुलाई कस्ता कस्ता सुविधाहरु दिएको छ ? तपाईहरुको समुदायमा मुखिया कसरी छानिन्छ र मुखियाको काम के हो ? जस्ता जिज्ञासाहरु राखेका थिए । बिद्यार्थीहरुका जिज्ञासा मेटाउदै राउटे समुदायले आफनो रितीरिवाज, सस्कृतीका बारेमा जानकारी दिएका थिए ।