जुम्लामा भरुवा बन्दुकसहित एक जना पक्राउ

जुम्लामा अवैध हतियार सहित एक जना पुरूष पक्राउ परेका छन् । जुम्लाको गुठिचौर गाउँपालिका-१ घर भई हाल पातारासी गाउँपालिका-५ लासी बजारस्थितका अन्दाजी ३२ वर्षिय सूर्य बहादुर महतारा पक्राउ परेका छन ।
आफ्नै मोटरसाइकल ग्यारेज भएका महतारालाई अवैध हातहतियार सहित पक्राउ गरिएको हो ।

जिल्ला प्रहरी कार्यालय जुम्लाका अनुसार गुठिचौर गाउँपालिका एक मौरे लेकस्थित जुम्लादेखि डोल्पा जाने कच्ची सडक खण्डको ५० मिटर तल पश्चिमतर्फको भिरालो जमिनको ढुङ्गाको ओढारभित्र बन्दुक भेटिएको छ ।
बाँकि अनुसन्धान भइरहेको प्रहरीले जनाएको छ ।