५ लाखको चेक बाउन्समा गाउँपालिका अध्यक्ष पक्राउ

सुर्खेत । दैलेखको भैरवी गाउँपालिका अध्यक्ष रिताकुमारी शाही बैंकिङ कसुरको आरोपमा पक्राउ परेकी छन् ।

प्रहरीका अनुसार शाहीले दिएको करिब पाँच लाख रुपैयाँ बराबरको चेक बाउन्स भएपछि पीडित पक्षले उजुरी दिएको थियो । उजुरीका आधारमा जिल्ला प्रहरी कार्यालय दैलेखले उनलाई शुक्रबार नियन्त्रणमा लिएको जनाएको छ ।

जिल्ला प्रहरी कार्यालय दैलेखका अनुसार पक्राउ परेकी शाहीमाथि बैंकिङ कसुर सम्बन्धी मुद्दामा अनुसन्धान भइरहेको छ । थप अनुसन्धानका लागि अदालतबाट म्यादसमेत थप गरिएको प्रहरीले जनाएको छ ।

प्रहरीले घटनाबारे आवश्यक अनुसन्धान भइरहेकाे जनाएकाे छ ।