जाजरकोटमा बेवारिसे पुरुषको शव फेला 

जाजरकोट, ३ वैशाख । जाजरकोट जिल्ला को छेडागाड नगरपालिका मा एक पुरुषको बेवारिसे शव फेला परेको छ ।

 बिहिबार बिहान वडा नं. १२ स्थित किदुर छेडाखोलामा अन्दाजी ४५ वर्ष उमेरका पुरुषको शव भेटिएको जिल्ला प्रहरी कार्यालय जाजरकोट ले जनाएको छ । बिहान करिब ७:४५ बजे स्थानीय खोलाको ढुङ्गामा अड्किएको र घोप्टो परेको अवस्थामा शव फेला परेको हो ।

घटनाको जानकारी पाएलगत्तै प्रहरी अधिकृतसहितको टोली घटनास्थलमा पुगेर प्रारम्भिक अनुसन्धान तथा कानुनी प्रक्रिया पूरा गरेको थियो । हाल उक्त शवलाई पोस्टमार्टम तथा पहिचानका लागि स्वास्थ्य सेवा कार्यालय जाजरकोटको शवगृहमा राखिएको प्रहरीले जनाएकाे छ ।

प्रहरीका अनुसार हालसम्म मृतकको नाम, थर र ठेगाना खुल्न सकेको छैन भने आफन्तजनसमेत सम्पर्कमा आएका छैनन् ।

प्रहरीले मृतकको हुलिया वा फोटोका आधारमा चिन्ने जो–कोहीलाई नजिकको प्रहरी कार्यालय वा एक बहादुर नेपाली (प्रहरी निरीक्षक) लाई ९८५८०५०७७७ नम्बरमा सम्पर्क गर्न अनुरोध गरेको छ ।

घटनाबारे थप अनुसन्धान भइरहेको प्रहरीले जनाएको छ ।