• फाल्गुन १, २०८२
  • No Comment
  • 53

सल्यानकाे बनगाड कुपिण्डेमा पाँचौँ नगरस्तरीय राष्ट्रपति रनिङ शिल्ड प्रतियोगिता सुरु

नविन पि.एम, सल्यान। बनगाड कुपिण्डे नगरपालिका मा पाँचौँ नगरस्तरीय राष्ट्रपति रनिङ शिल्ड प्रतियोगिता  बिहिबार देखि सुरु भएको छ। प्रतियोगिताको उद्घाटन प्रभाकर माध्यमिक विद्यालय देवस्थल मा गरिएको हो।

नगर शिक्षा, युवा तथा खेलकुद शाखाको आयोजना तथा नगर खेलकुद विकास समिति अध्यक्ष रिमबहादुर बिष्टको अध्यक्षतामा सम्पन्न उद्घाटन कार्यक्रममा नगर प्रमुख कर्णबहादुर बुढाथोकी प्रमुख अतिथि रहनुभएको थियो। “स्वास्थ्यका लागि खेलकुद, राष्ट्रका लागि खेलकुद” भन्ने मूल नारासहित सुरु भएको प्रतियोगिता फागुन २ गतेसम्म तीन दिन सञ्चालन हुने नगर खेलकुद विकास समितिले जनाएको छ।

प्रतियोगितामा ८ सामुदायिक तथा २ संस्थागत (बोर्डिङ) गरी १० विद्यालयको सहभागिता रहेको छ। विभिन्न विधामा विद्यार्थी खेलाडीहरूले प्रतिस्पर्धा गर्नेछन्।

उद्घाटन कार्यक्रममा नगर उपप्रमुख पुरुषोत्तम आचार्य, प्रमुख प्रशासकीय अधिकृत गोकर्ण पन्थी, १२ वटै वडाका वडाध्यक्षहरू, जिल्ला खेलकुद समितिका अध्यक्ष खड्क आचार्य, शिक्षक, विद्यार्थी खेलाडी, सुरक्षाकर्मी, सञ्चारकर्मी तथा खेलप्रेमीहरूको उल्लेखनीय उपस्थिति रहेको थियो।

नगरपालिकाले खेलकुदमार्फत विद्यार्थीमा अनुशासन, प्रतिस्पर्धात्मक भावना र स्वास्थ्यप्रति जागरूकता अभिवृद्धि हुने अपेक्षा गरेको जनाएको छ।

सम्बन्धित खबर

सेवा प्रवाहमा नयाँ अभ्यासः राहदानी र सवारी चालक अनुमतिपत्र अब नागरिकका घरदैलोमा

सेवा प्रवाहमा नयाँ अभ्यासः राहदानी र सवारी चालक अनुमतिपत्र…

 काठमाडौँ, ३ वैशाख । सरकारले सेवा प्रवाहलाई नागरिकको घरदैलोमा पु¥याउने लक्ष्यसहित राहदानी र सवारीचालक अनुमतिपत्र (लाइसेन्स) घरमै वितरण गर्ने नयाँ अभ्यास…
इरानमा अत्यावश्यक औषधिको अभाव

इरानमा अत्यावश्यक औषधिको अभाव

काठमाडौं । इरान मा अत्यावश्यक औषधिको अभावसँगै मूल्यमा तीव्र वृद्धि भएको रिपोर्ट सार्वजनिक भएको छ, जसका कारण सर्वसाधारण नागरिकलाई उपचार पाउन…
रास्वपाका सांसदहरूले मासिक १६ हजार र मन्त्रीहरूले १८ हजार लेबी बुझाउनुपर्ने

रास्वपाका सांसदहरूले मासिक १६ हजार र मन्त्रीहरूले १८ हजार…

 काठमाडौं । राष्ट्रिय स्वतन्त्र पार्टी (रास्वपा) ले आफ्ना सांसद र मन्त्रीहरूका लागि मासिक लेबी निर्धारण गरेको छ । बिहीबार सिंहदरबारमा बसेको…

Leave a Reply

Your email address will not be published. Required fields are marked *