त्रिभुवन विमानस्थलबाट लागुऔषधसहित दुई भारतीय पक्राउ

काठमाडौं – त्रिभुवन अन्तर्राष्ट्रिय विमानस्थलमा प्रहरीले अवैध लागुऔषधसहित दुई भारतीय नागरिकलाई पक्राउ गरेको छ । पक्राउ पर्नेमा ३९ वर्षीय पण्डरपरम्बिल खानी फैजल र २६ वर्षीय एडथुमकुनेल रहीमशेहीम रहेको केन्द्रीय प्रहरी प्रवक्ता विनोद घिमिरेले जानकारी दिए ।

थाई एयरवेजको उडानमार्फत बैंककबाट काठमाडौं आएका उनीहरूको लगेज चेकजाँच गर्दा गाँजा जस्तो देखिने १० किलो ९१५ ग्राम लागुऔषध फेला परेको प्रहरीले जनाएको छ ।

पक्राउ परेका दुवैजनालाई आवश्यक अनुसन्धान तथा कारबाहीको लागि लागुऔषध नियन्त्रण ब्यूरोमा पठाइएको छ ।