नारायणकाजीद्वारा प्रधानमन्त्री कार्कीलाई ६ सुझाव

सोमबार बिहान सामाजिक सञ्जालमार्फत सुझाव सार्वजनिक गरेका हुन्। उनले दलभन्दा बाहिरका योग्य र निष्ठावान् व्यक्तिहरूलाई मन्त्री नियुक्त गरी छिट्टै मन्त्रिपरिषद् पूर्णता दिन, मुलुकमा शान्ति–सुरक्षा कायम गर्न र निर्धारित मितिमा स्वतन्त्र तथा निष्पक्ष निर्वाचन सम्पन्न गर्न आग्रह गरेका छन् । उनका अन्य सुझावहरूमा भदौ २३ र २४ का घटनाको निष्पक्ष छानबिन गरी दोषीलाई कारबाही गर्ने, ध्वंस गरिएका संरचनाको पुनर्निर्माण सुरु गर्ने,

भ्रष्टाचारविरुद्ध सुरु गरिएको अभियानलाई निरन्तरता दिने र प्रतिनिधिसभा नभएको अवस्थामा राष्ट्रियसभाबाट आवश्यक विधायी कार्यहरू अघि बढाउने विषय समावेश छन् । श्रेष्ठले प्रधानमन्त्रीलाई “अनावश्यक काममा समय खर्च नगरी निर्वाचन सम्पन्न गर्ने मुख्य जिम्मेवारीमा ध्यान दिनुहोस्, अन्यथा देश गम्भीर संकटतर्फ धकेलिन सक्नेछ” भन्दै सचेत गराएका छन् ।