सात दिनभित्र दर्ता नगरे सामाजिक सञ्जाल बन्द गरिने चेतावनी

सञ्चार तथा सूचना प्रविधिमन्त्री पृथ्वीसुब्बा गुरुङले सरकारले तोकेको समयसीमाभित्र दर्ता नभएका सामाजिक सञ्जाल बन्द गरिने चेतावनी दिनुभएको छ । मन्त्री गुरुङका अनुसार मन्त्रिपरिषद्ले सात दिनभित्र सामाजिक सञ्जाल दर्ता गर्न सार्वजनिक आह्वान गरिसकेको छ। दर्ता प्रक्रियामा सहभागी नभएका वा कानुन विपरीत सञ्चालनमा रहेका सामाजिक सञ्जाललाई बन्द गर्ने तयारी सरकारले गरेको उहाँको भनाइ छ ।

मन्त्री गुरुङले जानकारी दिँदै भने,सरकारले तोकेको म्यादभित्र दर्ता नगर्ने सामाजिक सञ्जाललाई नेपालमा सञ्चालन गर्न दिइने छैन ।
उहाँले सामाजिक सञ्जाललाई व्यवस्थित र नियमनमा ल्याउन सरकारले कडाइ गर्ने पनि स्पष्ट पार्नुभयो ।