सुर्खेतमा जुवातास खेलिरहेकाे अवस्थामा ४ जना जुवाडे पक्राउ

सुर्खेत। सुर्खेतको वीरेन्द्रनगर नगरपालिका-६, सनिहल लाईनस्थित महाबु गेष्ट हाउसमा जुवातास खेलिरहेका चार जनालाई प्रहरीले पक्राउ गरेको छ। बिहिबार नगर प्रहरी कार्यालय सुर्खेतबाट प्राप्त गोप्य सूचनाका आधारमा प्रहरी निरीक्षक दिनेश तिमिल्सेनाको कमाण्डमा खटिएको ७ जनाको प्रहरी टोलीले उनीहरूलाई नियन्त्रणमा लिएको हो।

गेष्ट हाउसको कोठा नम्बर ३०५ बाट जुवातास खेलिरहेको अवस्थामा पक्राउ पर्नेहरूमा वीरेन्द्रनगर नगरपालिका-७ बस्ने २४ वर्षीय हुकुम शाही, सोही स्थानका ३० वर्षीय हेमन थापा, वडा नम्बर ९ बस्ने ३४ वर्षीय हेमराज थापा र सोही स्थानका ३६ वर्षीय सुरेश के.सी. रहेका छन्।
प्रहरीले उनीहरूको साथबाट नगद ४१ हजार ५२५ रुपैयाँ र १२ बुक ताससमेत बरामद गरेको छ। पक्राउ परेका व्यक्तिहरूलाई आवश्यक अनुसन्धान तथा कारबाहीका लागि प्रहरी हिरासतमा राखिएको जिल्ला प्रहरी कार्यालय सुर्खेतले जनाएको छ।