- साउन २८, २०८२
- No Comment
- 62
विहान उठ्नासाथ यी कुरा नखाऔं, खालीपेट पानी पिउनुका ७ अचुक फाइदा
साउन २९ – स्वास्थ्यलाई सुदृढ राख्न खानपानको समय र तरिका महत्वपूर्ण हुन्छ । धेरैलाई थाहा नहुन सक्छ, विहान उठ्ने बित्तिकै के खाने वा नखाने भन्ने कुरा पनि स्वास्थ्यसँग प्रत्यक्ष सम्बन्धित हुन्छ ।
स्वास्थ्य विज्ञका अनुसार खाली पेटमा तलका खानेकुरा सेवन गर्नु स्वास्थ्यका लागि हानिकारक हुन्छः
-
गोलभेँडा – यसमा रहेको एसिडले खाली पेटमा अघुलनशील पदार्थ उत्पन्न गरेर पेटमा पत्थर बन्न सक्ने जोखिम बढाउँछ ।
-
दही – पोषक भए पनि खाली पेटमा खाँदा घातक रासायनिक प्रतिक्रिया गराउन सक्छ ।
-
केरा – म्याग्नेसियमको मात्रा अत्यधिक बढाएर क्याल्सियम–म्याग्नेसियमको सन्तुलन बिगार्न सक्छ ।
-
सोडा – बढी एसिडका कारण असहजता र तमतम लाग्ने समस्या हुन्छ ।
-
औषधि – चिकित्सकको सल्लाहबिना खाली पेटमा सेवन गर्दा पेटमा एसिड बढाएर असन्तुलन ल्याउँछ ।
-
रक्सी – पेटमा जलन र पाचन समस्या निम्त्याउँछ ।
-
चटपटे खाना – खाली पेटमा चटपटे सेवन गर्दा पेटको स्वास्थ्यमा हानी पुग्छ ।
-
चिया–कफी – क्याफिन र एसिडको उच्च मात्रा पेटमा समस्या उत्पन्न गर्न सक्छ ।
यसैगरी, स्वास्थ्यका लागि खाली पेटमा पानी पिउनु निकै लाभदायक मानिन्छ । विहान उठ्ने बित्तिकै पानी पिउँदा हुने ७ प्रमुख फाइदाः
-
भोक जगाउने – पेट सफा भएर आवश्यक पोषण ग्रहण गर्न शरीर तयार हुन्छ ।
-
पेट सफा राख्ने – नियमित पानी पिउँदा कब्जियतको समस्या हट्छ ।
-
शरीरको फोहोर बाहिर निकाल्ने – पिसाबमार्फत शरीरभित्रका हानिकारक तत्व बाहिर जान्छन् ।
-
टाउको दुखाइ घटाउने – पानीको कमीका कारण हुने टाउको भारीपन कम हुन्छ ।
-
रगत बढाउने – रेड ब्लड सेल्सको उत्पादन बढाउँछ ।
-
मोटोपन घटाउने – मेटाबोलिजम बढाएर खराब बोसो घटाउँछ ।
-
अनुहारमा चमक ल्याउने – पेट स्वस्थ रहँदा छालामा ताजापन र चमक आउँछ ।
स्वास्थ्य विज्ञहरु भन्छन्, “दिनको सुरुवात एक गिलास स्वच्छ पानीबाट गर्नु नै शरीरलाई दीर्घकालीन फाइदा पुर्याउने सरल उपाय हो।”
