• साउन १०, २०८२
  • No Comment
  • 107

आर्थिक अभावले उपचारमा कठिनाइ, खुट्टा गुमाएकी गीता सहयोगको पर्खाइमा

वीरेन्द्रनगर।   वीरेन्द्रनगर नगरपालिका -४, कृष्णटोल निवासी ५० वर्षीया गीता थापा आर्थिक अभावका कारण उपचारमा कठिनाइ भोगिरहेकी छिन्। बायाँ खुट्टामा फैलिएको गम्भीर संक्रमण क्यान्सरमा परिणत हुन सक्ने जोखिम देखिएपछि चिकित्सकको सल्लाहमा उनको खुट्टा काटिएको हो। तर, शल्यक्रियापछि पनि उनको स्वास्थ्यमा सुधार आउन सकेको छैन र कमजोर आर्थिक अवस्थाले थप उपचारमा बाधा पुगेको छ।

गीताका श्रीमान लक्ष्मण थापाका अनुसार करिब एक हप्ताअघि गीताको शल्यक्रिया गरिएको थियो । खुट्टाको संक्रमणले ज्यानै जोखिममा पर्ने देखिएपछि चिकित्सकहरूले खुट्टा काट्नुको विकल्प नरहेको बताउनुभयो । लक्ष्मणले भावुक हुँदै भने श्रीमतीको ज्यान जोगाउन खुट्टा काट्न राजी भयौँ, तर अहिले उपचारलाई निरन्तरता दिन र औषधि किन्न पनि पैसा छैन। शल्यक्रियापछि पनि गीताको स्वास्थ्य अवस्था कमजोर नै रहेको उनले बताए।

दैनिक ज्याला मजदुरी गरेर जीविकोपार्जन गर्दै आएको थापा परिवारलाई यो बज्रपातले थप संकटमा पारेको छ। उपचारमा देखिएको आर्थिक समस्यालाई मध्यनजर गर्दै स्थानीय कृष्णटोल विकास संस्थाले सक्रियता देखाएको छ। संस्थाको अगुवाइमा टोलवासीहरूले गीताको उपचारका लागि चन्दा संकलन अभियान सुरु गरेका छन्।

हामीले टोलछिमेकबाट सकेको सहयोग उठाएर परिवारलाई दिएका छौँ, तर यतिले मात्र उपचार सम्भव देखिँदैन टोल विकास संस्थाका अध्यक्षले भने।

थापा परिवारले गीताको जीवनरक्षाका लागि सबै सहयोगी मनहरूसँग सहयोगको अपिल गरेको छ। उनीहरूको पीडामा मल्हम लगाउन र उपचारमा सघाउन चाहनेले सिधै परिवारलाई सम्पर्क गर्न सक्नेछन्।

सम्पर्कका लागि
लक्ष्मण थापा श्रीमान
सम्पर्क नम्बर ९८४८११५८२६

सम्बन्धित खबर

सुर्खेतका विभिन्न हाेटलका सञ्चालकसहित सार्वजनिक हित र नैतिकता विरुद्ध संलग्न १० जना पक्राउ

सुर्खेतका विभिन्न हाेटलका सञ्चालकसहित सार्वजनिक हित र नैतिकता विरुद्ध…

सुर्खेत। सुर्खेतको वीरेन्द्रनगर नगरपालिका-६ मा सञ्चालित विभिन्न होटल तथा रेस्टुरेन्टहरूबाट सार्वजनिक हित, स्वास्थ्य सुरक्षा र नैतिकता विरुद्ध उच्छृङ्खल गतिविधिमा संलग्न भएको…
✍ दोषी कुर्सी

✍ दोषी कुर्सी

लेखक – निडर चदारा। ए हेर नि, कुर्सीमाथि बस्या मान्छे— जनताको पसिना खान्छ, घामपानीमा हिँड्ने हाम्लाई दुःखको भारी थाप्छ। दोषी त…
सक्रिय मनसुनसँगै विभिन्न प्रदेशमा वर्षाको सम्भावना

सक्रिय मनसुनसँगै विभिन्न प्रदेशमा वर्षाको सम्भावना

मनसुन सक्रिय रहेसँगै देशका विभिन्न स्थानमा वर्षा हुने मौसम पूर्वानुमान जल तथा मौसम विज्ञान विभागले जनाएको छ। विभागका अनुसार हाल मनसुनको…

Leave a Reply

Your email address will not be published. Required fields are marked *