सामाजिक सञ्जाल मानव अधिकारमैत्री ढंगले नियमन हुनुपर्छ : उपाध्यक्ष घिमिरे

 राष्ट्रिय सभा उपाध्यक्ष विमला घिमिरेले सामाजिक सञ्जाललाई नियन्त्रण होइन, सन्तुलित र पारदर्शी ढंगले मानव अधिकारमैत्री ढंगमा नियमन गर्नुपर्ने बताएकी छन्।महिला कानुन र विकास मञ्चले काठमाडौँमा आयोजना गरेको ‘सामाजिक सञ्जाल सञ्चालन तथा नियमनसम्बन्धी विधेयक २०८१  विषयक छलफलमा बोल्दै उनले सामाजिक सञ्जाललाई उत्तरदायी बनाउँदै साइबर अपराध नियन्त्रणमा

विधेयकले सहयोग पुर्‍याउने विश्वास व्यक्त गरिन्।उनले नियमन प्रणाली पारदर्शी र सन्तुलित बनाइनु आवश्यक रहेको उल्लेख गर्दै मानव अधिकारको सम्मान हुने ढाँचामा कानुनी व्यवस्था गर्नुपर्नेमा जोड दिइन्।