नोबेल अस्पतालमा बालकको पेटबाट सफलतापूर्वक निकालियो कैँची

विराटनगर । नोबेल मेडिकल कलेज टिचिङ हस्पिटल, विराटनगरले उदयपुरका एक १५ वर्षीय बालकको पेटबाट सफलतापूर्वक कैँची निकालिएको जनाएको छ ।

खेल्ने क्रममा गल्तीवश निलेको कैँची बालकको ठूलो आन्द्रामा अड्किएको थियो । स्वास्थ्यमा समस्या देखिएपछि उनलाई चार दिनअघि अस्पतालको आकस्मिक कक्षमा ल्याइएको थियो । एक्स-रे र सिटी स्क्यान परीक्षणमा आन्द्राभित्र कैँची देखिएपछि तत्काल शल्यक्रिया गर्ने निर्णय लिइएको थियो ।

वरिष्ठ ल्याप्रोस्कोपिक सर्जन डा. अमित भट्टराईको नेतृत्वमा विशेषज्ञ चिकित्सकको टोलीले ल्याप्रोस्कोपिक प्रविधिको माध्यमबाट सफलतापूर्वक कैँची निकाल्न सफल भएको अस्पतालले जनाएको छ ।

शल्यक्रियापछि दुई दिनको अस्पताल बसाइपछि बालक पूर्ण रूपमा स्वस्थ भई घर फर्किएको पनि अस्पतालले जानकारी दिएको