पञ्चपुरी ७ मा असिना पानीले फलफूल र तरकारीमा व्यापक क्षति

सुर्खेत । सुर्खेतको पञ्चपुरी नगरपालिका वडा न ७ पैसरा ,सान्ने बुढाखाली ,चिउरी ,सिम्ताचौर, धन्बोटमा आएको ठूलो असिना पानीले तरकारी तथा फलफूल खेतिमा क्षति र्पुयाएको छ। साँझ ५ ३० बजेपछि हावाहुरीसहित आएको हावाहुरी सहितको असिना पानीले सो क्षेत्रमा ठूलो क्षति र्पुयाएको हो । असिना पानीका कारण आँप, लिचि, सुन्तला, कागती, आरुपखरा , लगायतका तरकारी बालिमा क्षती र्पुयाएको छ । यसैगरी कुनैकुनै भेगमा भर्खरै बारिमा लगाएका मकैमा समेत नराम्रो क्षती र्पुयाएको छ। पञ्चपुरी नगरपालिकाको वडा नम्बर ७ सान्ने ,पैसरा, गढिगाँउ र धन्बोटमा धेरै मात्रमा क्षती र्पुयाएको श्री शान्ति प्रा बि सान्नेचौरका प्रधानाध्यापक राम बहादुर देउवाले जानकारी दिनु भएको छ ।

देउवाका अनुसार यस क्षेत्रमा लगाइएका आँप सुन्तला, , लिचि कागती, र अन्य फलफुलमा ठूलो क्षती भएको भएको छ। लगातार आएको असिना पानी पहिले खोलो जस्तै भएर बगेको र पछि ५ इञ्चसम्म असिना जमेको सान्नेका स्थानीय जय बहादुर बोगटीले जानकारी दिनु भएको छ । पञ्चपुरी नगरपालिका वडा न ७ का अन्य ठाउँहरु पैसरा ,दुदिला ,चिउरी , सिम्ताचौर ,बुढाखालीमा पनि ठूलो मात्रामा असिना पानी आएको स्थानीयले जानकारी दिएका छन ।