आज माैसम :  कोशी, लुम्बिनी र सुदूरपश्चिमको पहाडी क्षेत्रमा चट्याङ्गसहित वर्षाको सम्भावना

काठमाडौं ।हाल देशमा पश्चिमी वायु, स्थानीय वायु तथा अरब सागरबाट भित्रिएको जलवाष्पयुक्त हावाको प्रभावका कारण विभिन्न भू–भागमा मौसम परिवर्तन हुने देखिएको छ। मौसम पूर्वानुमान महाशाखाका अनुसार आज कोशी, लुम्बिनी र सुदूरपश्चिम प्रदेशका पहाडी भू–भागमा मेघगर्जन र चट्याङ्गसहित हल्कादेखि मध्यम वर्षाको सम्भावना रहेको छ।

देशका अन्य पहाडी भू–भागहरूमा आंशिकदेखि साधारण बदली रहनेछ भने बाँकी भू–भागमा मौसम मुख्यतः सफा रहने अनुमान गरिएको छ।

साथै, हिमाली भू–भागका एक–दुई स्थानमा हल्का वर्षा वा हिमपातको सम्भावना पनि रहेको छ। मधेस तथा लुम्बिनी प्रदेशका केही स्थानहरूमा हावाहुरी चल्न सक्ने पूर्वानुमान गरिएको छ।