कैलालीको मोहन्याल भत्कुरीमा बाघले बस्तीमा पसेर बाख्रा मार्न थालेपछि स्थानीय त्रासमा

कैलाली । कैलालीको मोहन्याल गाउँपालिका-३ भत्कुरीमा बाघले बाख्रा मारिदिएको छ। मोहन्याल गाउँपालिका–३ भत्कुरीमा बाघले बस्तीमा पसेर दुई किसानका बाख्रा मारेको छ भने ६ वटा बाख्रा वेपता भएका छन् ।

बुधवार राति घरसँगै सटेको गोठमा पसेर कमल भण्डारीका र मोहन थापाका बाख्रा बाघले मारेको हो । बाघले कमल भण्डारीका तीन बाख्रा मारेको ६ वटा बाख्रा बेपत्ता बनाएको र मोहन थापाको एउटा खसी जंगलमा चराउन लगेको बेला मारेर खाएको थियो । बस्तीमै छिरेर गोठमा पसी बाघले बाख्रा मारेर खान थालेपछि अहिले स्थानीयहरु त्रसित भएका छन् । बाघबाट पशुचौपायालाई बचाउन स्थानीयले सम्बन्धित निकायमा आग्रह गरेका छन् ।

बर्दिया राष्ट्रिय निकुन्जमा बाघको संख्या बढेपछि सिमानामा पर्ने मोहान्याल गाउँपालिकाको विभिन्न वडामा बाघले बेलाबेलामा पशुचौपाया मार्दै आएको मोहान्याल गाउँपालिका वडा नं ३ भत्कुरीका स्थानीय हरि प्रसाद देवकोटाले बताउनु भएको छ । एक महिनाअघि मात्र बाघले मोहन्याल गाउँपालिकाकै एक स्थानीय एकेन्द्र बहादुर थापाका ४ वडा बाख्रा मारेर खाएको मोहन्याल गाउँपालिका ३ भत्कुरीबाट पुरन बिष्टले जानकारी दिएका छन् ।