जाजरकोटमा उच्च रक्तश्राप भएकी सुत्केरीको हलिकप्टरद्धारा उद्धार

जाजरकोट। जाजरकोटको जुनिचाँदे गाउँपालिका- ६ बस्ने बिष्णु कुमार शाहीको श्रीमती ३० वर्षीया राजु कुमारी शाहीलाई अत्याधिक रक्तश्राप भएका कारण नेपाली सेनाको हेलिकप्टरद्धारा उद्धार गरी सुर्खेतस्थित प्रदेश अस्पताल कालागाँउ पुर्याइएको छ ।

गत शनिबार जुनिचाँदेस्थित गर्खाकोट प्राथमिक स्वास्थ्य केन्द्रमा नर्मल डेलिभरी भएको थियो । तर एक्कासी उच्च रक्तश्रापका कारण आज दिउँसो ३ बजे रिफर गरीएको इलाका प्रहरी कार्यालय गर्खाकोटले जनाएको हो ।
प्रहरीका अनुसार प्रहरी सहायक निरिक्षक नवराज बुढा क्षेत्रीको कमाण्डमा ५ जनाको टोलि खटिएको छ । अहिले प्रदेश अस्पताल कालागाउँमा सुरक्षित उपचार भइरहेको प्रहरीले जनाएको छ ।