जाजरकोटमा पुन : भुकम्प, ३ जना घाइते

जाजरकोट। जाजरकोटमा पुन :  भुकम्प गएको छ । शुक्रबार बलुका ८ बजेर ७ मिनेटमा ५.२ र ८ बजेर १० मिनेट ५.५ म्याग्निच्युडको भकुम्प गएको राष्ट्रिय भुकम्प मापन केन्द्रले जनाएको छ । केन्द्रका अनुसार कुसे गाउँपालिका–९ पैक केन्द्रविन्दु भएर छुट्टाछुट्टै भुकम्प गएको हो ।

भुकम्प आएको बेला भाग्ने क्रममा ३ जना घाइते भएका छन । घाइते हुनेमा भेरी नगरपालिका -२ रिसान निवासी ४९ वर्षीया कमला कार्की, सोही नगरपालिका- ४ निवासी ३४ वर्षीय सुरेश क्षेष्ठ, नलगाड नगरपालिका- १२ निवासी २२ वर्षीय बिरेन्द्र भण्डारी घाइते भएको जाजरकोट प्रहरीले जनाएको छ । प्रहरीका अनुसार घाइते हरुलाई जिल्ला अस्पतालमा उपचार भइरहेको छ । अासपासका अन्य जिल्लाहरूमा पनि भुकम्प धक्का महशुस गरिएकाे थियाे ।
शुक्रबार राती उक्त भुकम्पका कारण जाजरकाेटका धेरै घरहरू चर्किएका छन ।  यस अघि पनि भुकम्प आएर क्षती पुर्याएको ले जाजरकोट बासी निकै त्रसित भएका छन ।