मुम्बईको विरारमा पञ्चपुरीका खड्डक बहादुर बयकको चारतले बिल्डिङ्गबाट खसेर मृत्यु

मुम्बईको विरार शहरमा पञ्चपुरी नगरपालिका वडा नम्बर- ७ निवासी पुर्ण बहादुर बयकको छोरा बर्ष २५ का खडक बहादुर बयकको चार ताले बिल्डिङको छतबाट खसेर मृत्यु भएको छ ।

मुम्बई विरारबाट मृतकका आफन्तले जानकारी दिए अनुसार आज मध्यान्ह १२ बजे बिल्डिंगको चार तला माथि रहेको ट्याङ्कीमा पानी हेर्न छतमा जादैँ गर्दा उनी बिल्डिंगबाट तलखसी घटना स्थलमानै मृत्युु भएको जानकारी प्राप्त भएको छ बिगत ५ महिना देखि उनी रोजगारीको शिलशिलामा महाराष्टको विरारमा बसोबास गर्दै आएका थिए।

आफन्तले जानकारी दिए अनुसार खड्डक बहादुर बयकका परिवारमा श्रीमती १ छोरा र १ छोरी छन। मुम्बईमा रहेका सक्रिय संघ संस्था र सामाजसेवी व्यक्तिहरुको सहयोगमा मृतकको विरार वेष्टमा रहेको ग्रामीण अस्पतालमा पोस्टमार्टम भईरहेको र सम्भवतः पोष्टमार्टमको रिपोर्ट आईसकेपछि हिन्दु रितिरिवाज अनुसार अन्तिम संस्कार गरिने मृतका मामा पदम बयकले जानकारी दिनुभएको छ ।