जाजरकाेटमा ट्याक्टर दुर्घटना : ४ जना घाइते 

जाजरकाेटमा ट्याक्टर दुर्घटना हुँदा ४ जना घाइते  भएका छन ।  बुधबार विहान ९ बजेको समयमा जाजरकाेटकाे भेरी नगरपालिका वडा नम्बर: १ बराहथान स्थित खलङ्गा बजारदेखि कालेगाउँ तर्फ जाँदै गरेकाे भे.२ त.१६७३ नम्बरको  सरिया लोड गरेकाे ट्याक्टर एक्कासी ओरालोमा सडकमै पल्टिदाँ दुर्घटना भएकाे हाे ।

दुर्घटनामा परी घाइते हुनेहरूमा चालक कुशे गाउँपालिका- ५ का २५ वर्षीय भिम परियार, साेहि गाउँपालिका- ४ बस्ने २१ वर्षीय प्रकाश बादी, छेडागाड नगरपालिका -५ बस्ने १८ वर्षीय बालकृष्ण परियार र साेहि वडाका १८ वर्षीय धर्मराज खड्का रहेकाे जिल्ला प्रहरी कार्यालय जाजरकाेटले जनाएकाे छ ।  प्रहरी नायव निरिक्षक बिर बहादुर थापाकाे कमाण्डमा खटिएकाे  ५ जनाकाे टाेलिले  उद्दार गरी जिल्ला अस्पताल जाजरकाेट पठाएकाे जिल्ला प्रहरि कार्यालय जाजरकाेटका प्रहरी नायव उपरिक्षक परूषाेत्तम प्रसाद पाण्डेले जानकारी दिनुभयाे । पाण्डेका अनुसार घटना सम्बन्धि अावश्यक अनुसन्धान भइरहेकाे छ ।