सुर्खेतको चौकुनेमा निशुल्क मानसिक स्वास्थ्य शिबिर सञ्चालन हुने

सुर्खेतको चौकुनेमा निशुल्क बिशेषज्ञ मानसिक स्वास्थ्य शिबिर सञ्चालन हुने भएको छ ।चौकुने गाँउपालिका स्वास्थ्य शाखाको आयोजनामा मानसिक रोग विशेषज्ञ डाक्टर सुशील समदर्शीद्वरा घाटगाँउ स्वास्थ्य चौकीमा फागुन २३ गते र बेतान स्वास्थ्य चौकीमा फागुन २४ गते मानसिक रोगको उपचार तथा परामर्श सम्बन्धि नि: शुल्क स्वास्थ्य शिबिर सञ्चालन हुने भएको छ ।

मानसिक समस्या भएका बिरामीहरुको उपचारको लागी शिबिर सञ्चालन गर्न लागिएको स्वास्थ्य शाखा चौकुनेले जानकारी दिएको छ । बिशेषज्ञ मानसिक स्वास्थ्य शिबिरमा मनोचिकित्सकद्धारा निशुल्क परिक्षण, मनोसामाजिक परामर्श सेवा निशुल्क हुनेचौकुने स्वास्थ्य शाखा प्रमुख ईन्द्र बहादुर जैसुरीले जानकारी दिनुभएको छ ।

फागुन २३ र २४ गतेका दिन शिबिर सञ्चालन हुने भएकोले मानसिक स्वास्थ्य सम्बन्धित समस्या भएका ब्यक्तिहरुलाई उक्त सेवा लिन चौकुने स्वास्थ्य शाखाले आग्रह गरेको छ ।