जुम्लामा लगातार दोस्रो भूकम्प, स्थानीयमा त्रास

जुम्लामा बुधबार लगातार दोस्रोपटक भूकम्प जाँदा स्थानीयमा त्रासको वातावरण सिर्जना भएको छ। राष्ट्रिय भूकम्प मापन केन्द्रका अनुसार दिउँसो ३ बजेर ३८ मिनेट जाँदा पातमारा केन्द्रविन्दु भएर ४.१ म्याग्निच्युडको भूकम्प गएको छ।

यसअघि बिहान ११ बजेर ५६ मिनेटमा उर्थु चौतारा केन्द्रविन्दु भएर ३.८ म्याग्निच्युडको अर्को भूकम्प गएको थियो।

लगातार दुई भूकम्पको झट्काले स्थानीयहरु त्रसित बनेका छन्।

भने, राष्ट्रिय भूकम्प मापन केन्द्रले थप भूकम्पका झट्का आउन सक्ने भएकाले सतर्क रहन आग्रह गरेको छ।

अहिलेसम्म भूकम्पका कारण मानवीय वा भौतिक क्षतिको ठोस विवरण प्राप्त भएको छैन। तर, स्थानीय सरकार र सुरक्षा निकायहरूले क्षतिको आँकलन गर्न र आपतकालीन उद्धारको तयारी गर्न सुरु गरिसकेका छन्।