कोरियमा स्वर्गेबास भएका छोराको सम्झनामा पञ्चपुरी –३ का धर्ती परिवारद्वारा विद्यार्थिलाई पोशाक बितरण

पञ्चपुरी -३ निवासी बुवा स्व.चन्द्रबहादुर घर्ती र आमा लली घर्तीको साइँला छोरा,दाजुहरू खड्कबहादुर घर्ती मगर र ठगबहादुर घर्ती मगरको भाइ र टोपबहादुर घर्तीको दाई स्व.जीवन घर्तीमगरको रोजगारीको सिलसिलामा कोरियामा दुर्घटना भै दुखद निधन भएको सम्झनामा श्री सुन्दर जनजागरण प्रा.वि.पञ्चपुरी-३, लामिदामारमा सरस्वती मन्दिर निर्माणका लागि साथै विद्यार्थी भाइ बहिनीहरुलाई ज्याकेट,टिसर्ट र ट्राउजर(पोसाक)र स्टेसनरी वितरण गर्नु भएको छ ।

आफ्नो स्वर्गिय छोरा दाजुको स्मृति दिवसमा उक्त विद्यालयका विद्यार्थिलाई पोशाक र स्टेसनरी सामान बितरण गरिएको हो ।रोजगारीको शिलशिलामा कोरिया गएका छोरा जीवनघर्ती मगरको दुःखद निधन भएको थियो ।

स्वर्गीय जीवन घर्तीको सम्झना र सम्मान स्वरुप विद्यार्थिलाई पोशाक र स्टेसनरी सामान बितरण गरेको स्थानीय झक्की सिजापतीले बताउनुभएको छ ।“पवित्र कार्यमा सहकार्य गर्नुभएकोमा घर्ती परिवारलाई प्र अ देवुमाया चपाईले धन्यावाद सहित , “स्वर्गिय जीवन घर्तीलाई श्रदासुमन र शोकाकुल परिवारलाई हार्दिक समवेदना ब्यक्त गर्नु भएको थियो ।