चौकुने गाउँपालिकाले गर्यो प्रमुख प्रशासकीय अधिकृत नगेन्द्र प्रसाद रिजालकाे बिदाई

दिलिप कडेल, सुर्खेत।  चौकुने गाउँपालिकाका प्रमुख प्रशासकीय अधिकृत नगेन्द्र प्रसाद रिजाललाई चौकुने गाउँपालिकाले एक कार्यक्रमका बीच सम्मान सहित बिदाइ गरेकाे छ । कार्यक्रममा चौकुने गाउँपालिकाका अध्यक्ष खडक बिवस वासपानेले नगेन्द्र प्रसाद रिजाल कुशल प्रशासक रहेको चर्चा गर्दै उहाँले चौकुनेको समृद्धिका लागी उत्कृष्ट मार्ग तयार गरेको बताउनु भएको छ ।

त्यसैगरी गाउँपालिका उपाध्यक्ष नर बहादुर बान्तोलाले लामो समयसम्म सहकार्य गर्न नपाएको भएतापनि छोटो समयको सहकार्यले धेरै कुरा सिकाएको भन्दै प्रशंसा गर्दै उहाँ जहाँ गएपनि सफल कार्यकालको शुभकामना दिनु भएको छ । बिदाइ भएर जाँदै गर्दा प्रमुख प्रशासकीय अधिकृत नगेन्द्र प्रसाद रिजालले आफुले चौकुने गाउँपालिकाबाट धेरै अनुभव संगालेको बताउनु भयो ।

कर्मचारी तथा जनप्रतिनिधीसंग कस्तो खालको समन्वय गर्नुपर्छ भन्ने धेरै विषयको अनुभव चौकुने गाउँपालिकाबाट प्राप्त गरेको उहाँको भनाइ थियो । चौकुने गाउँपालिकाले सहजीकरण गरेको कार्यक्रममा गाउँपालिकाका रोजगार शाखा प्रमुख कमल कृष्ण जैसी , शिक्षा शाखा प्रमुख टेकेन्द्र बुढा , योजना शाखा प्रमुख जगदीश पाण्डे लगाएतकाले विदाइ मन्तव्य राख्दै रिजालमा सबै कर्मचारीलाई समान नजरले हेर्ने प्रशासक भएको भन्दै उहाँको प्रसंशा गरेका थिए ।

प्रमुख प्रशासकीय अधिकृत नगेन्द्र प्रसाद रिजालको सरुवा रोल्पामा भएकाे छ । करिब ४ महिना भन्दा बढी चौकुने गाउँपालिकामा रही प्रमुख प्रशासकीय अधिकृतको रुपमा काम गरेकाे चौकुने गाउँपालिकाले जनाएको छ ।