भारतीय तीर्थयात्री सवार जीप दुर्घटना : एकको मृत्यु, २० जना घाइते

काठमाडौं — प्युठान मा भारतीय तीर्थयात्री सवार जीप दुर्घटना हुँदा एक जनाको मृत्यु भएको छ भने २० जना घाइते भएका छन्।

प्रहरीका अनुसार स्वर्गद्वारी तर्फ जाँदै गरेको लु१ज ३१७५ नम्बरको जीप बिहीबार दिउँसो दुर्घटनामा परेको हो। दुर्घटना प्युठान नगरपालिका–४ टाकुरा सडकखण्डमा भएको जिल्ला प्रहरी कार्यालयले जनाएको छ।

जिल्ला प्रहरी कार्यालयका प्रमुख डीएसपी नरहरि अधिकारी का अनुसार दुर्घटनामा एक जनाको घटनास्थलमै मृत्यु भएको हो भने अन्य २० जना घाइते भएका छन्। घाइतेमध्ये अधिकांशको अवस्था गम्भीर रहेको प्रहरीले जनाएको छ।

घाइतेहरूलाई उपचारका लागि बुटवल पठाइएको छ। दुर्घटनाको कारणबारे थप अनुसन्धान भइरहेको प्रहरीले जनाएको छ।