चौकुने गाउँपालिकामा प्रारम्भिक बालविकास सहजकर्ताका लागि १० दिने क्षमता अभिवृद्धि तालिम आजदेखी सुरु

सुर्खेत। चौकुने गाउँपालिकामा प्रारम्भिक बालविकास सहजकर्ताका लागि १० दिने प्रारम्भिक सिकाइ तथा विकास मापदण्डमा आधारित क्षमता अभिवृद्धि तालिम आजदेखि सुरु भएको छ। बैशाख ६ गतेदेखि १५ गतेसम्म सञ्चालन हुने उक्त तालिम चौकुने गाउँपालिका शिक्षा शाखाको आयोजनामा सम्पन्न भएको हो ।

तालिम स्याक नेपालको समन्वय तथा सहकार्य र राष्ट्रिय सेतो गुराँस बाल विकास सेवाको प्राविधिक सहयोगमा सञ्चालन गरिएको हो। कार्यक्रम सामाजिक विकास संयोजक एवं वडा नम्बर ८ का वडा अध्यक्ष कमल जी.सी.को अध्यक्षतामा सम्पन्न भएको थियो। कार्यक्रममा प्रमुख अतिथि चौकुने गाउँपालिका उपाध्यक्ष नर बहादुर बान्तोला बिशेष अतिथि शिक्षा शाखा प्रमुख टेकेन्द्र बुढा स्वास्थ्य शाखा प्रमुख गगन सिहं पाण्डेय लगायतको उपस्थित रहेको थियो कार्यक्रमका प्रमुख अतिथि चौकुने गाउँपालिकाका उपाध्यक्ष नर बहादुर बान्तोलाले बालबालिकाको समग्र विकासका लागि प्रारम्भिक शिक्षाको भूमिका महत्वपूर्ण हुने बताउँदै यस्ता तालिमले सहजकर्ताको क्षमता अभिवृद्धिमा ठुलो योगदान पुर्‍याउने धारणा राख्नुभयो।

त्यस्तै, सामाजिक विकास संयोजकले बालबालिकाको गुणस्तरीय सिकाइ सुनिश्चित गर्न दक्ष जनशक्ति आवश्यक रहेको उल्लेख गर्नुभएको थियो । कार्यक्रममा शिक्षा शाखा प्रमुख टेकेन्द्र बुढाले स्वागत मन्तव्य व्यक्त गर्दै तालिमको उद्देश्य र आवश्यकताबारे जानकारी गराउनु थियो।

उक्त तालिमले बालविकास केन्द्रमा कार्यरत सहजकर्ताको सीप, ज्ञान र व्यवहारमा सुधार ल्याई बालबालिकाको समग्र विकासमा सकारात्मक प्रभाव पार्ने अपेक्षा गरिएको छ। तालिमका सहजकर्ता ललि बाह्रघरे रहनुभएको छ भने कार्यक्रमको सञ्चालन शिव प्रसाद गौतमले गर्नुभएको थियो।