• चैत्र १५, २०८२
  • No Comment
  • 12

जुम्ला–रारा अल्ट्रा म्याराथन वैशाखमा सुरु हुने

जुम्ला । कर्णाली क्षेत्रको चर्चित जुम्ला–रारा अल्ट्रा म्याराथन को सातौँ संस्करण आगामी वैशाख २६ गतेदेखि सुरु हुने भएको छ।

कर्णाली खेलकुद क्लब जुम्लाको आयोजनामा सञ्चालन हुने उक्त प्रतियोगिता जुम्ला सदरमुकाम खलङ्गा बजारबाट सुरु हुने क्लबका अध्यक्ष सरोज शाहीले जानकारी दिएका छन्। प्रतियोगितामा राष्ट्रिय तथा अन्तर्राष्ट्रिय स्तरका धावकहरूको सहभागिता रहने बताइएको छ।

कर्णाली क्षेत्रको प्राकृतिक सौन्दर्य र साहसिक खेल पर्यटन प्रवर्द्धन गर्ने उद्देश्यले प्रतियोगिता आयोजना गर्न लागिएको अध्यक्ष शाहीको भनाइ छ। सहभागी हुनका लागि सूचना प्रकाशित गरिसकिएको छ।

प्रतियोगिताअन्तर्गत पाँच किलोमिटर, दश किलोमिटर र ५१ किलोमिटर दूरीका दौड समावेश गरिएका छन्। पाँच किलोमिटर दौडमा कर्मचारी, उद्योगी–व्यापारी तथा इच्छुक सर्वसाधारण सहभागी हुन सक्नेछन्, जसका लागि ५०० रुपैयाँ दर्ता शुल्क तोकिएको छ। दश किलोमिटर दौडमा १८ वर्षमुनिका बालबालिकाका लागि दर्ता शुल्क निःशुल्क गरिएको छ।

त्यस्तै ५१ किलोमिटर अल्ट्रा म्याराथनतर्फ स्थानीय धावकका लागि ३ हजार रुपैयाँ र अन्य धावकका लागि ५ हजार रुपैयाँ दर्ता शुल्क निर्धारण गरिएको छ।

पुरस्कारतर्फ पाँच किलोमिटर दौडमा प्रथम, द्वितीय र तृतीय हुनेलाई क्रमशः ५ हजार, ३ हजार र २ हजार रुपैयाँ प्रदान गरिनेछ। दश किलोमिटरतर्फ प्रथमलाई १० हजार, दोस्रोलाई ७ हजार र तेस्रोलाई ५ हजार रुपैयाँ दिइनेछ।

५१ किलोमिटर अल्ट्रा म्याराथनतर्फ प्रथम हुने धावकलाई १ लाख रुपैयाँ, दोस्रोलाई ७५ हजार, तेस्रोलाई ५० हजार तथा चौथो र पाँचौँ हुनेलाई समान २०–२० हजार रुपैयाँ पुरस्कार प्रदान गरिने आयोजकले जनाएको छ।

प्रतियोगितामा सहभागी हुन इच्छुक धावकहरूले आगामी वैशाख २० गतेसम्म नाम दर्ता गर्नुपर्ने व्यवस्था गरिएको छ।

सम्बन्धित खबर

रौतहट जिल्ला अदालतका कर्मचारी घुससहित पक्राउ

रौतहट जिल्ला अदालतका कर्मचारी घुससहित पक्राउ

रौतहट । रौतहटस्थित रौतहट जिल्ला अदालत का एक कर्मचारी घुस रकमसहित पक्राउ परेका छन्। अख्तियार दुरुपयोग अनुसन्धान आयोग, हेटौंडाबाट खटिएको टोलीले…
यातायात कार्यालयबाट सात बिचौलिया पक्राउ

यातायात कार्यालयबाट सात बिचौलिया पक्राउ

 काठमाडौं | काठमाडौं महानगरपालिका–१५ सानो भर्‍याङस्थित यातायात व्यवस्था कार्यालय बाट सात जना बिचौलिया पक्राउ परेका छन्। सेवाग्राहीको सवारी दर्ता किताब (बिलबुक)…
वैदेशिक रोजगारीका लागि स्वास्थ्य परीक्षण अब जुनसुकै मान्यता प्राप्त अस्पतालमा

वैदेशिक रोजगारीका लागि स्वास्थ्य परीक्षण अब जुनसुकै मान्यता प्राप्त…

काठमाडौं | वैदेशिक रोजगारीमा जाने कामदारले अब सरकारी मान्यता प्राप्त जुनसुकै अस्पतालबाट स्वास्थ्य परीक्षण गर्न पाउने भएका छन्। श्रम, रोजगार तथा…

Leave a Reply

Your email address will not be published. Required fields are marked *