✍ दोषी कुर्सी

लेखक – निडर चदारा।

ए हेर नि,
कुर्सीमाथि बस्या मान्छे—
जनताको पसिना खान्छ,
घामपानीमा हिँड्ने हाम्लाई
दुःखको भारी थाप्छ।

दोषी त कुर्सी हो नि बा,
जहाँ दलाल पस्छ,
जहाँ घुसखोर
उस्ले इज्जत पाउँछ।

ए, कुर्सी—
तैंले त जनता रगत चुसिस,
श्रमिकको पेट सुक्खा पारिस,
देशलाई दलालको गोठ बनाइस्।

बाहिर “देशप्रेम” को ठोकुवा,
भित्र “कमिसन” को सौदा।
बाहिर “जनता–जनता”,
भित्र “पेट–पेट”।

तर हेर त—
अब जनता मौन बस्दैनन्,
जनताको अदालत आउँछ,
तैंले सम्हालेको त्यो कुर्सी
ढल्छ, चर्किन्छ, भत्किन्छ।

दोषी त कुर्सी मात्र होइन,
त्यसमा पस्ने हात,
त्यो हातमा टाँसिएको दलालको छाप,
सबैलाई जनताको हतौडाले
ठोक्छ, भत्काउँछ, सफार्छ।