तरबुजाका दाना स्वास्थ्यका लागि बढी फाइदाजनक

गर्मी मौसममा सबैलाई मनपर्ने तरबुजा केवल शरीरलाई चिसो र पानीको कमी पूर्ति गर्ने फल मात्र नभई यसको दाना पनि स्वास्थ्यका लागि लाभदायक हुने अनुसन्धानले देखाएको छ।

पोषक तत्वले भरिपूर्ण तरबुजाका दानामा फाइबर, म्याग्नेसियम, जिंक, प्रोटिन र ओमेगा–६ फ्याटी एसिड पाइने हुँदा यसले पाचन प्रणाली सुधार गर्ने, मधुमेह नियन्त्रणमा राख्ने, कोलेस्ट्रोल कम गरी मुटु स्वस्थ राख्ने, छाला–कपाल मजबुत बनाउने र रोग प्रतिरोधात्मक क्षमता बढाउने फाइदा गर्छ।

विशेषगरी दानालाई पिसेर धुलो बनाएर, उमालेर वा भुटेर सेवन गर्दा थप लाभ हुने विज्ञहरूको सुझाव छ।

यसरी, तरबुजासँगै यसको दाना पनि स्वास्थ्यका लागि उपयोगी हुने भएकाले सेवन गर्न सकिने विशेषज्ञहरूले बताएका छन्।