सुर्खेतमा नामथर नखुलेको पुरुषको शव फेला

सुर्खेत। सुर्खेतको वीरेन्द्रनगर नगरपालिका–११ स्थित झुप्रा खोलामा नामथर वतन नखुलेको एक पुरुषको शव फेला परेको छ।

बुधबार साँझ करिब ५ बजे करिब ४०–४५ वर्ष उमेरको देखिने पुरुषको शव फेला परेको जानकारी प्राप्त भएपछि प्रहरी चौकी सुब्बाकुनाबाट प्रहरी नायब निरीक्षक ज्योतिष सिंहको कमाण्डमा टोली खटिएको थियो।

घटनास्थलमा जिल्ला प्रहरी कार्यालय सुर्खेतबाट प्रहरी निरीक्षक दिनेश तिमिल्सेनाको कमाण्डमा SOCO सहित थप टोली पुगेर प्रारम्भिक अनुसन्धान सम्पन्न गरेको छ।

साँझ करिब ७:५० बजे प्रारम्भिक प्रक्रिया पूरा गरी शवलाई कर्णाली प्रदेश अस्पताल, कालागाउँ, सुर्खेत पठाइएको प्रहरीले जनाएको छ।