सुर्खेतमा बिना बिलका अबैध सामान बरामद

सुर्खेत। सुर्खेत प्रहरीले बिना बिलबिजक ल्याइएका अबैध सामान बरामद गरेको छ।
बिहिबार दिउँसो करिब २:२५ बजे जिल्ला प्रहरी कार्यालय सुर्खेत अन्तर्गत भेरीगंगा नगरपालिका–५ बबई चेकपोष्टमा प्रहरी नायब निरीक्षक हर्कबहादुर तिरुवाको कमाण्डमा खटिएको पाँच जनाको टोलीले नेपालगञ्जबाट सुर्खेततर्फ आउँदै गरेका सवारीसाधन चेकजाँच गर्ने क्रममा भन्सार छली गरी ल्याइएको सामान बरामद गरेको हो।

प्रहरीका अनुसार बिलभर्पाईबिनै ल्याइएका सामानमा ६० पोका सुपर पावर सुर्ती, ८५ पोका स्वीट सुपारी, १२० पोका कमला पसन्द, २०० किलो चिनी, १२९ पिस जेम्स अन्डरवेयर र १२ बोतल माउन्टेन डिउ रहेका छन्। बरामद सामानको मूल्य जम्मा रु. ८३ हजार २२५ बराबर रहेको प्रहरीले जनाएको छ।

बरामद गरिएको सामानलाई आवश्यक कारबाहीका लागि सम्बन्धित निकायमा बुझाइने तयारी भइरहेको प्रहरीले जानकारी दिएको छ।